خطوات عمل ال Etching في الكمبوزيت (طريقته – هدفه – البدائل)

مادة ال Etching بيتم phosphoric acid 30% و مخترعوش حاجة مكانه بتدي ميزاته لغاية دلوقت ..

الهدف من ال Etching هو ازالة ال smear layer .. و عمل ثقوب ميكروسكوبية “Micro tags” سواء في ال enamel او ال dentin لتحسين اداء البوند..

صورة لل enamel تحت الميكروسكوب

صورة لل enamel تحت الميكروسكوب

التطبيق: هيكون لل enamel لمدة 25 ثانية و الdentin لمدة 15 ثانية و ده الوقت المثالي …
و سبب فرق الوقت اختلاف نسبة الكالسيوم في الاتنين …

صورة لل dentin تحت الميكروسكوب

صورة لل dentin تحت الميكروسكوب

طريقة التطبيق: ازاي تعمل كده … انك هتحط على ال enamel ال etch و تعد 10 ثواني … و تملأ ال cavity بباقي ال etch بعدها و تعد 15 ثانية و تشطف ال cavity..

 

الغسل بعد التطبيق: السنة مفروض تتغسل قد وقت ال etching يعني على الاقل 25 ثانية …

مشاكل في التطبيق:
– ال over-etching بيخلي سمك البوند اتخن و ده ممكن يقلل قوة البوند .. و بالذات ان ال resin مبيقدرش يخترق ال tags الزيادة في العمق اللي عملها الحمض … و ان كان فيه ناس قالت انه مش بيأثر اوي و ان كان رأي ضعيف ..
– التنشيف الزيادة بيضر … بعد ما تشطف الحمض نشف بقطنة ال dentin و نشف ال enamel بالهوا بضغطات قصيرة متقطعة لغاية ما تنشف .. فيه ناس بتعترض على حكاية القطنة لأنها بتسيب fibers … و ممكن تستخدم بدالها سفنجة صغيرة ..

عوامل مساعدة في ال Etching:
– فيه ناس بتستخدمه ال EDTA كحاجة مساعدة للحمض لازالة ال smear layer .. بس شايفها يعني نوع من الاتقان الزائد مش اكتر ..
– و فيه ناس بتعمل بوليشنج ب fluride free pumice paste .. او fulride containing pumice paste عشان الصبغات او لأعتقادهم ان ده بيحسن البوند .. و في الحالتين الetch مش بيتأثر بده او ده او البوند..
– و بالمناسبة .. لاصق Orthodontic bracket’s adhesor… مش بيحتاج etching … و بيتحط على ال enamel من غير etching و لو عملت etching لا هتزود قوته و لا هتقلل .. فبلاش تجويد ..

ليه ال phosphoric acid بلطجي ال etch ..
لأنه بتركيز 5% او 37 % .. بيجيب نتائج متقاربة ..
لأنه قوة البوند متقاربة لو كان under-etch او over-etch … في حدود طبعا 5 ثواني اقل او اكتر ..
لأنه مفيش بديل ليه جاب نفس نتائجه .. و نقول البدائل ..

بدائل لل Phosphoric acid في ال Etching

– فيه انواع زي ال crystal etch.. فكرتها انها بدل ما تعمل tags لتحت .. لا تنمي enamel crystals … بس ملقوهاش حل عملي لضعف قوتها بالمقارنة بالفوسفوريك
– ال sandblasting لاعداء ال acid etch … بس بيدي خمسين في المية من قوة الفوسفوريك .. استبعد برضو كحل عملي .. و اكتفوا بيه كخطوة تحضرية قبل ال etching بتزود قوة البوند .
الليزر دخل برضو في العملية … غير انه غالي … مكانش فارق اوي عن الetching العادي و لم يعطي ميزة قصاد تمنه المبالغ فيه ..
– و ال malic acid حاولوا يدخلوه كبديل للفوسفور و بيتعمل بيه etch لمدة 10 ثواني و برضو فشل لأنه في احسن الاحوال وصل ل 70 % من قوة الفوسفوريك

ملحوظة على جنب كدهالخطوة المقابلة للetcing في الجلاس ايونومير .. هي conditioning … و بتتعمل بنفس الحمض الموجود فيه لمدة يعني 10 ثواني و ده لازالة ال smear layer برضو و تحسين الالتصاق الكيميائي للحشوة … و فيه kits طبعا بيجي معاها ال conditioner الخاص بيها …

ملحوظة جنب اختها … كلامنا على البوند العادي … انواع البوند السيلف اتش مكانها البوست الجاي باذن الله ..
ده كان كل حاجة عن ال Etching … و هنتكلم عن البوندنج … هذا الكائن العجيب اللي بيوصل ل 620 مما سبب رعب لكثير من دكاترة الاسنان .. فالى اللقاء في الحلقة القادمة 🙂

المقال كتابة واعداد:

Dr. Mahmoud Sayed

يمكنك متابعة المزيد من بوستات الدكتور على مجموعة الفيس بوك Open Source Dentistry  من هنا

By | 2017-05-18T11:58:26+00:00 ديسمبر 13th, 2015|Categories: 15 دقيقة, مقالة|Tags: , , |0 Comments